Sumqayıt və Novxanı çimərliklərində dəniz suyunun keyfiyyəti necədir?

Sumqayıt və Novxanı çimərliklərində dəniz suyunun monitorinqi aparılıb.

Ulusum.az xəbər verir ki, yoxlamalar Ekologiya və Təbii Sərvətlər Nazirliyi ilə Xəzər Kompleks Ekoloji Monitorinq İdarəsi tərəfində keçirilib.

Laboratoriya müayinələrindən sonra Novxanıda suyun fiziki-kimyəvi, bakterioloji göstəricilərinin norma səviyyəsində olduğu aşkarlanıb.

Həmçinin Sumqayıt şəhəri çimərliklərinin sanitariya-mühafizə zonalarında rekreasiya əhəmiyyətli monitorinqlər keçirilib. Laborator təhlillərə əsasən, dəniz suyunun tullantı çirkab suları ilə çirkləndiyi, çimərliklərdə dəniz suyunda bakterioloji çirklənmə göstəricilərinin normativlərin tələblərinə cavab vermədiyi müəyyən edilib.

Nəticədə Sumqayıt çimərliklərindən istifadənin müvəqqəti olaraq tövsiyə olunmadığı barədə qərar qəbul edilib.