8 oktyabr 2020-ci il: Vətən Müharibəsinin 12-ci günü

2020-ci il sentyabrın 27-də Ermənistanın genişmiqyaslı təxribatlarına cavab olaraq Azərbaycan Ordusu əks-hücum əməliyyatına başladı. Müharibə otuzillik işğala son qoyaraq böyük Qələbə ilə nəticələndi.

8 oktyabr tarixinə olan məlumata görə, düşmənin 10-dək tankı, 6 D-20 topu, 1 "Akasiya" özüyeriyən artilleriya qurğusu, 30 avtomobil texnikası və çoxsaylı canlı qüvvəsi məhv edilmişdi.

Bu gün həm də düşmənin Füzuli istiqamətində qadağan olunmuş fosforlu bombalarla dinc əhaliyə hücumu, Gəncə və Bərdə şəhərlərinin artilleriya atəşinə tutulması ilə yadda qaldı. Mülki itkilər 31 nəfər ölü, 154 nəfər yaralı, yüzlərlə ev və obyekt isə dağıdılmışdı.

R.Daşdəmirova
Ulusum.az