1-10-2025, 11:08 0 Cəmiyyət

Həddi-büluğa çatmayan qıza təcavüz edən kişiyə HÖKM OXUNDU

Gəncə Apellyasiya Məhkəməsində seksual xarakterli zorakılıq hərəkətlərində təqsirləndirilən Qəşəm Məmmədovun (ad, soyadı şərtidir) barəsindəki hökmdən verilən apellyasiya şikayəti üzrə məhkəmə iclası başa çatıb.

Pravda.аz xəbər verir ki, hakim Nural Əliyevin sədrliyi ilə keçirilən prosesdə qərar elan olunub.

Qərara əsasən, apellyasiya şikayəti təmin edilməyib.

İttihama görə, Qəşəm Məmmədov 2021-ci il iyun ayından başlayaraq 17 may 2024-cü il tarixədək olan müddətdə dəqiq məlum olmayan tarixlərdə qeyri rəsmi ər-arvad münasibətində olduğu qadının yaşadığı Bərdə rayonunda fərdi yaşayış evinin qonaq və yataq otağında 2009-cu il təvəllüdlü olmaqla 14 yaşına çatmayan, sonrakı dövrdə isə 16 yaşına çatmayan qıza hədə-qorxu gələrək zor tətbiq etmə hədəsi ilə onunla qeyri-təbii yolla cinsi əlaqədə olub. Başqa şəxslərə xəbər verəcəyi təqdirdə özü və anasını öldürəcəyini bildirib.

Hadisədən sonra Qəşəm Məmmədov saxlanılaraq cinayət məsuliyyətinə cəlb edilib.
O, məhkəmədə azyaşlının öz istəyi ilə qeyri-təbii yolla cinsi əlaqədə olduğunu etiraf edib. Lakin zərərçəkmişə zor tətbiq etmədiyini söyləyib.

Gəncə Ağır Cinayətlər Məhkəməsinin hökmü ilə ona cəzasını ciddi rejimli cəzaçəkmə müəssisəsində çəkməklə 17 il müddətinə azadlıqdan məhrumetmə cəzası təyin edilib.

Ulusum.az

Diqqət Çəkənlər