78 Yaşlı Hicrət Nənə Peşə Təhsilinə Başlayır: "Tələbə Adı Qazanmaq Məni Sevindirdi"

Ordubad şəhərinin 78 yaşlı sakini Hicrət Yusifova peşə təhsili almağa qərar verib.

Ulusum.az xəbər verir ki, o, bu il Ordubad Peşə Liseyinin "Xalçaçı" ixtisasına qəbul olunub. 1946-cı il noyabrın 19-da anadan olan Hicrət nənənin 5 övladı, 12 nəvəsi və 12 nəticəsi var.
O, 25 il ərzində Ordubad ipək kombinatında çalışıb. “Azərbaycan müəllimi”nə açıqlamasında bildirib ki, xalça toxumağa hər zaman böyük marağı olub: “Ordubad Peşə Liseyində xalçaçılıq ixtisası açıldığını görəndə sevindim. Tələbə adını qazandığım üçün çox xoşbəxtəm”.