BDYPİ sürücülərə xəbərdarlıq etdi

Baş Dövlət Yol Polisi İdarəsi sürücülərə xatırladır: telefonla danışmaq və ya mesaj yazmaq bir anın içində həyatı məhv edə bilər. Bu təkcə qayda pozuntusu deyil, həm də özünüzü və başqalarını bilə-bilə riskə atmaqdır.

Mobil telefondan istifadənin yaratdığı əsas təhlükələr:

1️⃣ Diqqət yayındırması – telefona baxanda yol, piyadalar və digər avtomobillər nəzərdən qaçır.
2️⃣ Reaksiyanın gecikməsi – telefon sürücünün reaksiyasını 2–3 dəfə ləngidir, qəfil əyləc və manevrləri çətinləşdirir.
3️⃣ Nəzarətin itməsi – zolaqdan çıxmaq, məsafəni düzgün qiymətləndirməmək və təhlükəli manevrlər mümkün olur.

Unutmayın: bir zəng və ya mesaj heç vaxt insan həyatından önəmli ola bilməz. Məsuliyyətli sürücülük – hər kəsin təhlükəsizliyinə zəmanətdir!

Ulusum.az