Məhərrəm ayına qədəm qoyduq – Aşura iyulun 5-də qeyd olunacaq

Azərbaycanda Məhərrəm ayı rəsmi olaraq başlayıb.

Şamaxı Astrofizika Rəsədxanasının dəqiq hesablamalarına görə, Hicri-qəməri təqvimi ilə 1446-cı il başa çatır və yeni 1447-ci il iyunun 26-da başlayır.

İslam dünyasında böyük mənəvi anlam daşıyan bu ay, xüsusilə Kərbəla hadisəsi və Aşura günü ilə yadda qalır. Bu il Aşura günü iyulun 5-nə təsadüf edəcək.

Məhərrəm ayı mərifət, fədakarlıq və şəhadət ayıdır. Bu ayda dünyəvi əyləncələrdən uzaq durmaq, ehtiyac sahiblərinə yardım etmək və şəhidlərin xatirəsini yad etmək ənənəyə çevrilib.

İyulun 25-i Məhərrəm ayının sonuncu günüdür. Ertəsi gün isə Səfər ayı başlayacaq.

Bu ayın mənəviyyat dolu ruhu hər birimizin qəlbinə hikmət və səbir gətirsin.

Ulusum.az