“Dövlət Proqramına maraq artır” – Turan Topalova

"Bu il “2019–2023 Dövlət Proqramı”na müraciət edənlərin sayı əvvəlki illərlə müqayisədə nəzərəçarpacaq dərəcədə çoxdur".

Bu barədə Dövlət Proqramı İdarəetmə Qrupunun rəhbəri Turan Topalova məlumat verib.

Onun sözlərinə görə, hər il 500 gəncin xaricdə təhsili üçün imkan yaradılır. Müsabiqə mərhələsində sənədlərini uğurla təqdim edənlər müsahibəyə dəvət olunublar.

Topalova qeyd edib ki, artıq 300-ə yaxın namizəd dünyanın tanınmış universitetlərindən qəbul alıb. Müraciətlərdə ilk beşliyi Böyük Britaniya, ABŞ, Türkiyə, Avstraliya və İtaliya tutur.

Təxminən 25%-i bakalavr, 20%-ə qədəri doktorantura, qalan hissə isə magistratura səviyyəsi üzrə müraciət edib. Namizədlərin sayının çoxluğu səbəbilə kvota çərçivəsində seçim dəyərləndirmə yolu ilə aparılacaq.

Ulusum.az