Azərbaycan məktəblərinə Çin dili gəlir

Azərbaycanın elm və təhsil naziri Emin Əmrullayev ADA Universitetində keçirilən VIII Beynəlxalq Təhsil Konfransında bildirib ki, ölkə məktəblərində Çin dilinin tədrisinə başlanılması planlaşdırılır.

Nazir vurğulayıb ki, xaricdən dəvət olunan müəllimlərin yüksək maaşla təmin olunması vacibdir, lakin mövcud sistem bu sahədə kifayət qədər çevik deyil:

“Biz Çin dili dərslərini məktəblərdə tətbiq etmək istəyirik. Lakin bunun üçün sinifdə müəyyən sayda şagird olmalıdır. Məsələn, əgər 270 nəfərlik kontingent toplanmasa, müəllimin maaşını təmin edə bilmərik. Bu kimi problemləri aradan qaldırmağa çalışırıq.”

Ulusum.az