Hər Körpəyə 1000 Dollar: Yeni Maliyyə Proqramı Başlayır

Prezident Donald Tramp bazar ertəsi Ağ Evdə Respublikaçıların daxili siyasət qanun layihəsinin əsas müddəası olan “Tramp Hesabları” təşəbbüsünü təqdim edəcək.

Bu təşəbbüs çərçivəsində hər yeni doğulan amerikalı uşaq üçün 1000 dollarlıq investisiya hesabı yaradılacaq. Hökumətin töhfəsi fond bazarına bağlı indeks fonduna yönləndiriləcək və uşağın qəyyumları tərəfindən idarə olunacaq.

Qəyyumlar və digər özəl qurumlar il ərzində bu hesablara 5000 dollara qədər əlavə dəstək göstərə biləcək. Ağ Evin sözçüsü Karolin Leavitt bu proqramın orta sinif amerikalıların həyatını dəyişəcəyini bildirib.

Tədbirdə Dell, Uber, Robinhood, Goldman Sachs kimi şirkətlərin rəhbərləri də iştirak edəcək. CEO-ların bu hesablara milyardlarla dollar sərmayə qoyacağı gözlənilir.

Dell şirkətinin rəhbəri Maykl Dell hökumətin sərmayəsini bərabərlik prinsipi ilə dəstəkləyəcəklərini açıqlayıb.

Rəxşəndə Daşdəmirova
Ulusum.az