DİN İnsan Alverinə qarşı Mübarizə Baş İdarəsində QHT Koalisiyasının nümayəndələri ilə görüş keçirilib

Tədbirdə çıxış edən polis general-mayoru Həzi Aslanov son 20 ildə insan alverinə qarşı aparılan mübarizə, qəbul edilmiş qanunlar və beynəlxalq əməkdaşlıq barədə məlumat verib. O bildirib ki, DİN ilə QHT-lər arasında imzalanmış Anlaşma Memorandumu çərçivəsində maarifləndirmə və sosial reabilitasiya sahəsində əməkdaşlıq uğurla davam etdirilir.

Həmçinin, insan alveri ilə mübarizədə fəallıq göstərən QHT rəhbərləri hər il Nazirliyin əmri ilə mükafatlandırılır. Görüşdə qarşılıqlı əməkdaşlığın gücləndirilməsi, mövcud problemlər və perspektiv fəaliyyət istiqamətləri müzakirə olunub. QHT nümayəndələri göstərilən dəstəyə görə təşəkkür ediblər.

Onlar insan alverinə qarşı mübarizədə vətəndaş cəmiyyətinin rolunu yüksək qiymətləndiriblər. Sonda Həzi Aslanov QHT-lərə uğurlar arzulayıb və birgə fəaliyyətin əhəmiyyətini vurğulayıb.

"Ulusum".az