Rayonlara xəbərdarlıq: Dağlarda dolu, şimşək, sulu qar gözlənilir

Mayın 12-də Bakıda və Abşeron yarımadasında hava şəraiti dəyişkən buludlu olacaq, əsasən yağmursuz keçəcək. Səhər saatlarında bəzi şəhərətrafı ərazilərdə qısamüddətli az yağış yağacağı ehtimalı var. Mülayim şimal-qərb küləyi əsəcək. Havanın temperaturu gecə 15-18° isti, gündüz 20-25° isti olacaq. Atmosfer təzyiqi normadan aşağı 757 mm civə sütunu, nisbi rütubət gecə 70-75%, gündüz 55-60% təşkil edəcək.

Azərbaycanın şimal və qərb rayonlarında isə bəzi yerlərdə fasilələrlə yağıntılı hava şəraiti gözlənilir, şimşək çaxacağı ehtimalı var. Gecə və axşam saatlarında ayrı-ayrı yerlərdə leysan xarakterli intensiv yağışlar, dolu düşməsi və yüksək dağlıq ərazilərdə sulu qar müşahidə oluna bilər. Bəzi yerlərdə arabir duman olacaq. Qərb küləyi bəzi yerlərdə arabir güclənəcək. Havanın temperaturu gecə 15-20° isti, gündüz 25-30° isti, dağlarda gecə 7-12° isti, gündüz 15-20° isti olacaq.

✍️"Ulusum".az