Beynəlxalq axtarışa verilmiş daha 4 şəxs ölkəmizə ekstradisiya edilib

Azərbaycan Respublikasının Baş Prokurorluğu tərəfindən verilən məlumata əsasən, "Mülki, ailə və cinayət işləri üzrə hüquqi yardım və hüquqi münasibətlər haqqında" 7 oktyabr 2002-ci il tarixli Konvensiyanın tələblərinə uyğun olaraq, Azərbaycan vətəndaşları Yolçiyev Anar Elmar oğlu, Məliklı Reyhan Mirbala qızı, Aslanov Zamiq Qurbanəli oğlu və Zaxarov Elşən Musa oğlunun ekstradisiyası ilə bağlı vəsatətlər Rusiya Federasiyasının Baş Prokurorluğu tərəfindən təmin edilib.

Bu şəxslərin Azərbaycan Respublikası Cinayət Məcəlləsinin müvafiq maddələrində nəzərdə tutulmuş cinayət əməllərini törətmələrinə dair əsaslı şübhələr müəyyən edildiyindən, barələrində təqsirləndirilən şəxs qismində cəlb etmə haqqında qərarlar qəbul edilib və istintaqdan yayınaraq gizləndiklərinə görə beynəlxalq axtarışa veriliblər.

Qeyd olunan şəxslər Rusiya Federasiyası ərazisində saxlanılaraq, Ədliyyə Nazirliyinin Penitensiar Xidmətinin xüsusi konvoyunun müşayiəti ilə Azərbaycana gətiriliblər.

My Webpage

✍"Ulusum".az