İnsan alverində gender xüsusiyyətləri mövzusunda təlim keçirilib

Dövlət Miqrasiya Xidmətinin Miqrasiya üzrə Regional Təlim Mərkəzində Daxili İşlər Nazirliyinin nümayəndəsi tərəfindən “İnsan alverində gender xüsusiyyətləri” mövzusunda təlim keçirilib.

Təlimdə insan alveri anlayışı, onunla mübarizə yolları və qarşısının alınması ilə bağlı əsas prinsiplər barədə ətraflı məlumat verilib. Qanunvericilik bazası və insan alverinə qarşı mübarizə aparan dövlət orqanlarının fəaliyyəti də diqqətə çatdırılıb. Həmçinin insan alveri qurbanları üçün sığınacaqlar və onların cəmiyyətə reinteqrasiyası məsələləri müzakirə olunub.

Təlim Dövlət Miqrasiya Xidmətinin Kadrlar və kadr hazırlığı idarəsi və Təlim-tədris mərkəzinin təşkilatçılığı ilə baş tutub. Tədbir interaktiv formatda keçirilərək iştirakçıların sualları cavablandırılıb.



✍️ "Ulusum"az