İranda təyyarə qəzası baş verib

İranda təlim təyyarəsi qəzaya uğradı: Ölü və yaralı var.

İRİB News xəbər verir ki, bu gün səhər saatlarında Əlborz əyalətinin Nəzərabad şəhərində Salehiyə bataqlığı yaxınlığında təlim təyyarəsi qəzaya uğrayıb.

Məlumata görə, Əlborz əyalətinin Qızıl Aypara Cəmiyyəti Təşkilatının müavini Əmir Abbaspur bununla bağlı deyib: “Azadi hava limanından havaya qalxan ultra yüngül təyyarə bataqlıq yaxınlığında qəza keçirib və nəticədə bir təlim öyrəncisi həlak olub”.

Onun sözlərinə görə, təlim təyyarəsinin pilotunun da vəziyyəti ağırdır və dərhal xəstəxanaya aparılıb.

Qeyd edək ki, qəzanın dəqiq səbəbləri hələlik bəlli deyil.

Eltun Məmmədov