Gəncədə gənc rəssamların yaradıcılıq sərgisi

Heydər Əliyev Mərkəzində gənc rəssamların “Dünya bir palitradır, biz isə onun rəngləri” adlı birinci yaradıcılıq sərgisi keçirilib.

Ulusum.az xəbər verir ki, Gəncə şəhərində keçirilən tədbirdə şəhər İcra Hakimiyyətinin başçısı Elmar Vəliyev, rəsmi şəxslər, ziyalılar və gənclər iştirak ediblər.

Tədbirin əsas məqsədi Ulu öndər Heydər Əliyevin azərbaycançılıq ideyalarının gənclər arasında təbliği və gənc rəssamların yaradıcılıq potensialının üzə çıxarılması olub.

Sərgidə 26 gənc rəssamın 120-dən çox əsəri nümayiş etdirilib, fərqlənən iştirakçılara fəxri fərman və hədiyyələr təqdim olunub.

Tədbir Gəncənin mədəni həyatında mühüm hadisə kimi dəyərləndirilib.



Ulusum.az