Yaponiya misilsiz superkompüter inşa etməyə hazırlaşır

Yaponiya dünyanın ən sürətli superkompüterlərindən biri olan Fugaku'ya sahibdir. Lakin yapon alimlər növbəti illərdə bu sistemi böyük təkmilləşdirmə ilə yeni səviyyəyə qaldırmağı planlaşdırır: təxminən min dəfə daha sürətli olacaq Fugaku Next superkompüteri.
Bu yeni superkompüter dünyanın ilk zetta sinif superkompüteri olacaq. Zetta sinfi saniyədə zettaFLOPS səviyyəsinə çata bilən maşını ifadə edir. FLOPS bir sistemin nə qədər sürətlə hesablama apara və problemləri həll edə biləcəyini göstərir.
Yaponiya hökuməti bu layihə üçün təxminən 780 milyon ABŞ dolları büdcə ayırıb. Yeni superkompüterin 2030-cu ildə istifadəyə verilməsi planlaşdırılır.
Fugaku Next mövcud Fugaku'nun vəzifələrini davam etdirərkən çox daha yüksək hesablama gücünə malik olacaq. Xüsusilə süni intellekt sahəsində böyük irəliləyişlər gözlənilir.
Superkompüterlər qara dəlik simulyasiyalarından yeni materialların kəşfinə, dünyanın gələcəyinin modelləşdirilməsindən riyaziyyatın əsaslarına qədər bir çox sahədə istifadə olunur.
Əgər hər şey planlaşdırıldığı kimi gedərsə, altı il ərzində yeni bir superkompüter standartı həyata keçiriləcək.

Eltun Məmmədov