Asteroidlərdən qorunma planı: Nüvə partlayışı

Beynəlxalq tədqiqatçılar laboratoriya sınaqları ilə böyük asteroid təhlükəsinə qarşı ən yaxşı həllin dəqiq nüvə partlayışı ola biləcəyini müəyyən etdilər.
Təcrübələr göstərdi ki, uyğun gücdə atom partlayışından yaranan rentgen şüaları 3-5 km ölçülü asteroidlərin orbitini dəyişə bilər.
Təcili təhlükə olmasa da, gözlənilməz asteroid təhlükəsi üçün fəaliyyət planı hazırlamaq vacibdir.
NASA-nın son təcrübəsi kiçik asteroidin orbitini kosmik aparat vasitəsilə dəyişməyin mümkünlüyünü nümayiş etdirdi. Lakin daha böyük asteroidlər üçün başqa üsullar da var - məsələn, füziya mühərriki və ya lazer istifadəsi.
ABŞ-ın Sandia Laboratoriyadakı alimlər rentgen şüaları ilə metal folqa və kvars şüşəsini buxarlandıraraq, asteroidlərin yönünü dəyişmə üsulunu sınadılar. Bu üsul 5 km-ə qədər asteroidlər üçün təhlükəsiz hesab olunur.
Hazırda Yerə təhlükə yaradan böyük asteroid olmasa da, belə fəlakətlərə qarşı hazırlıqlı olmaq çox vacibdir.

Eltun Məmmədov