"Miss Europe" faciəvi şəkildə həlak olub

Türkiyədə 27 yaşlı model və "Miss Europe" titulunun sahibi Güler Erdoğan həlak olub,“Ulusum”.az CNN Turk-ə istinadən xəbər verir.

Televiziya kanalının məlumatına görə, qız polislərdən qaçarkən estakadadan yıxılıb, sonra isə keçən avtomobil onu vurub. Hadisə Giresun şəhərində baş verib, o, ailəsi ilə birlikdə Uraza-Bayram (Ramazan orucunun bitməsi) bayramını qeyd etmək üçün ora getmişdi.

Faciə günü model alkoqol içkisini qəbul edib və sükan arxasına keçib. Polis əməkdaşları onu dayandırıb, o isə qorxaraq avtomobili tərk edib və hüquq-mühafizə orqanlarından qaçmağa çalışıb. Estakadaya qədər qaçan Güler, tarazlığını itirərək altı zolaqlı avtomobil yoluna yıxılıb. Bu anda onu keçən avtomobil vurub.

Yıxılma və sonrakı qəza nəticəsində ağır xəsarətlər alan Güler hadisə yerində dünyasını dəyişib. Təcili yardım həkimləri qızın öldüyünü təsdiqləyib. Ailəsi bildirib ki, son vaxtlar onun psixoloji problemləri olub.