Britaniya ordusunun komandanı: “Yaxın üç ildə İranla müharibəyə hazırlaşmalıyıq”

Böyük Britaniya Ordusunun Birləşmiş Qərargahının yeni rəisi Rolli Vaker bildirib ki, İran, Rusiya, Şimali Koreya və Çin "gərginlik oxu" kimi Böyük Britaniyanın təhlükəsizliyini hədələyir və növbəti üç il ərzində Britaniya onlarla müharibəyə hazır olmalıdır.

O, 2027 və 2028-ci illərdə Böyük Britaniyanın sözügedən dörd ölkənin böyük təhdidi ilə üzləşə biləcəyi barədə xəbərdarlıq edib.

“Müharibə qaçılmaz olmasa da, Britaniya ordusu dörd ölkə ilə mübarizəyə hazır olmalıdır. Rusiyanın Ukrayna ilə müharibəsindən İranın nüvə silahı əldə etmək niyyətinə qədər bizim üçün təhddidir. Düşməni məğlub etmək üçün ordunun gücünü ikiqat artırmaq lazımdır”, - deyə, Rolli Vaker qeyd edib. (Əl-Ərəbiyyə)

Eltun Məmmədov