Ritterdən Qərbə şok mesaj: NATO və Aİ dağılır – reallığı qəbul edin!

"Avropa İttifaqı və NATO dağılmaq üzrədir – bu, Qərbin qəbul etməli olduğu reallıqdır".

“Ulusum”.az xarici mətbuata istinadən xəbər verir ki, bu fikri ABŞ-ın keçmiş dəniz piyadaları kəşfiyyatçısı Skott Ritter sosial şəbəkə X-də (əvvəlki Twitter) paylaşdığı yazıda bildirib.

“Avropa İttifaqı və NATO dağılır, bu reallıqla üzləşmək lazım gələcək,” – deyə o vurğulayıb.

Ritter xatırladıb ki, əvvəllər Avropada böyük müharibənin olmayacağı düşünülürdü, çünki ölkələr bir-biri ilə əməkdaşlıq edirdi və sərhədlər müəyyən olunmuşdu. “O zaman, niyə Kosovo Xorvatiya və Albaniya ilə hərbi ittifaq qurdu?” – deyə amerikalı hərbçi sual verir və Qərb dünyasında mövcud olan ziddiyyətlərə diqqət çəkir.

Aprelin 12-də Rusiya xarici işlər naziri Sergey Lavrov bildirmişdi ki, SSRİ və onun hərbi bloku fəaliyyətini dayandırdıqdan sonra NATO da buraxılmalı idi.

Nazirin sözlərinə görə, Varşava Müqaviləsi Təşkilatının dağılması ilə dünyada mövcud olan siyasi sistem çökdü. NATO-nun yaradılmasına səbəb olan təhlükə də artıq mövcud deyil.