Gələn il pensiyalar artacaq: Artım nə qədər olacaq?

Gələn il Azərbaycanda pensiyaların artırılması gözlənilir. Son illərdə pensiyaların hər il indeksləşdirilməsi ənənəyə çevrilib. Bu prosesin məqsədi sosial təminat sisteminin sabitliyini qorumaq və inflyasiyanın pensiyaçılara təsirini minimuma endirməkdir.

Mövzu ilə bağlı Ulusum.az-a danışan iqtisadçı ekspert Natiq Cəfərli bildirib ki, pensiyaların indeksləşdirilməsi ilə bağlı qərar Prezidentin fərmanı və ya Nazirlər Kabinetinin qərarı ilə verilir. Onun sözlərinə görə, bu artımlar adətən orta aylıq əmək haqqının artım tempinə uyğun aparılır. Bu səbəbdən də dəqiq faiz göstərmək çətindir.

Amma təxmini proqnoza əsasən, 2025-ci ildə pensiyalar 8–10% arası indeksləşdirilə bilər. Bu da o deməkdir ki, 300 manat pensiya alan bir vətəndaşın təqaüdü 10% artımla 30 manat, 8% artımla isə 24 manat yüksələ bilər.



R.Daşdəmirova