İsti hava insan psixikasını çökdürür – Aqressiya artır

Son illərdə aparılan elmi araşdırmalar göstərir ki, yüksək temperatur təkcə fiziki sağlamlığa deyil, eyni zamanda psixi sağlamlığa da ciddi təsir göstərir. Xüsusilə, uzunmüddətli isti hava şəraiti insanlarda narahatlıq, əsəbilik, yuxusuzluq və hətta aqressiv davranışları artırır.

Bəzi tədqiqatlar göstərir ki, temperatur artdıqca insanlar arasında münaqişə, cinayət və zorakılıq halları da çoxalır. Bu, bədənin stresə cavab olaraq verdiyi reaksiya ilə əlaqələndirilir — isti havada bədən temperaturunu tənzimləmək üçün enerji sərf edir, bu isə zehni yüklənməni artırır və emosional stabilliyi zəiflədir.

Xüsusilə, kondisionersiz və havasız mühitlərdə uzun müddət qalmaq psixoloji gərginliyi daha da gücləndirə bilər. Mütəxəssislər belə hava şəraitində insanların daha çox istirahət etməsini, bol su qəbul etməsini və sərin yerlərdə vaxt keçirməsini tövsiyə edirlər.

Ulusum.az