Bitki yağı yox, quyruq yağı ilə qızartma dəbi: Dietoloqlar nə deyir?

Hələ də bəzi insanlar günəbaxan və ya zeytun yağı əvəzinə yeməkləri quyruq yağı ilə qızartmağa üstünlük verirlər. Onlar niyə bu seçimi edirlər?

Quyruq yağı tərəfdarları deyirlər ki, bu yağ yüksək temperaturda daha sabit qalır, az oksidləşir və kanserogen maddəyə çevrilmir. Bu doğrudurmu? Huffpost bu sualı klinik dietoloq Eymi Reyzenberqə ünvanlayıb.

Quyruq yağı malın böyrək və bel nahiyəsindəki yağlı qatlardan alınır. Bu yağ əritilir, təmizlənir və nəticədə sıx, sarımtıl rəngdə bir məhsul əldə edilir. Onun tüstülənmə temperaturu təxminən 200°C-dir. Bu isə onu kərə yağından (120–150°C) daha dayanıqlı edir.

Bitki yağları ilə müqayisədə quyruq yağında çoxlu doymamış yağ turşuları azdır. Məhz bu turşular yüksək temperaturda oksidləşərək zərərli maddələr yaradır.

Amma dietoloq xəbərdarlıq edir: “Bir-iki dəfə dadına baxmaq olar, amma onu gündəlik istifadəyə çevirmək düzgün deyil.”

Çünki quyruq yağının yarısı doymuş yağlardan ibarətdir – bu da xolesterin səviyyəsini artıraraq ateroskleroz və ürək-damar xəstəlikləri riskini yüksəldə bilər. Bu, xüsusilə genetik riski olanlar üçün təhlükəlidir.

Dietoloq Qreys A. Deroşa əlavə edir:

“Zeytun və avokado yağları orqanizmin özü istehsal etmədiyi faydalı omeqa-3 tərkibli monodoymamış yağlarla zəngindir. Zeytun yağı qızartma üçün uyğun deyil, amma avokado yağı bu iş üçün idealdır.”

Ulusum.az