Yayda nə içək? – Həkimlərdən sərinlədici və sağlam içki tövsiyələri

Kardioloq Gandelman yay üçün ən yaxşı içkilərdən birinin soyuq qəhvə olduğunu bildirib. Onun izahına görə, bu içkidə aterosklerozun inkişafının qarşısını alan polifenollar mövcuddur.



Bundan əlavə, mütəxəssisin sözlərinə görə, soyuq qəhvədə kofein daha az olduğundan, isti qəhvə ilə müqayisədə bədənə sidikqovucu təsiri o qədər də güclü deyil.



Onun həmkarı, immunoloq Prodeus isə isti havada kvas içməyi tövsiyə edib. O bildirib ki, bu içkidə həzm sisteminə müsbət təsir göstərən faydalı bakteriyalar mövcuddur.



Həkimlər isti havada ən faydalı içkilər sırasına qazlı suyu da daxil ediblər. Konovalov qeyd edib ki, bu içki qanın durulaşmasına kömək edir. O əlavə edib ki, qazlı su susuzluğu adi sudan daha yaxşı yatırır.



Malışeva isə bunu belə izah edib: “Sübut olunub ki, susuzluğu ən yaxşı yatıran içki +6 dərəcə Selsi temperaturunda, yəni soyuducudan çıxmış qazlı sudur.”

Ulusum.az