Səkkiz növ xərçəngə qapı açan gündəlik təhlükə

Səhər yeməyinizdə yediyiniz o "günahsız" sosiska və ya axşam sendviçinizdəki nazik dilim bekon – düşündüyünüzdən qat-qat daha təhlükəli ola bilər!

Hyuston Methodist İnstitutunun onkoloqu Anaum Maksud xəbərdarlıq edir: emal olunmuş ət məhsulları – sosiskalar, kolbasalar, bekon – ağciyər, qaraciyər, beyin, böyrək, sidik kisəsi, mədə, burun boşluğu və bağırsaq xərçəngi də daxil olmaqla 8 növ ölümcül xərçəngin inkişaf riskini artırır!

Bunun səbəbi?

Bu məhsulların tərkibində kanserogen nitrozaminlər adlı maddələr var ki, onlar insan orqanizmində xərçəng hüceyrələrinin yaranmasına şərait yaradır.

🔹 Onkoloq Maksud bildirir ki, xərçəngin qarşısını almağın yollarından biri lifli qidalarla zəngin qidalanmaqdır.
🔹 Ən ideal model isə Aralıq dənizi pəhrizi – tərəvəz, meyvə, tam taxıl və sağlam yağlarla zəngin menyudur.

Ancaq unutmayın – təkcə sağlam qidalanma kifayət deyil.
Mayo Klinikasından doktor Amrit Sinx xəbərdarlıq edir: oturaq həyat tərzi xüsusilə yoğun bağırsaq xərçəngi üçün zəmin yaradır. Hər gün cəmi 30 dəqiqə fiziki aktivlik bu təhlükənin qarşısını almağa kömək edə bilər.

Ulusuma.z