Braziliya qozu ilə bağlı təhlükəli həqiqət

Braziliya qozunun tərkibindəki yüksək miqdarda selen onu həm faydalı, həm də təhlükəli edir. ABŞ-dan tibb elmləri doktoru, onkoloq Stiven Kuey “Daily Mail”ə açıqlamasında bildirib ki, bu məhsulun həddindən artıq qəbulu nəfəsalma çətinliyi, əsəbilik, böyrək və ürək problemləri ilə nəticələnə bilər.

Həkimin sözlərinə görə, selen DNT sintezi, qalxanabənzər vəzinin fəaliyyəti və immun sisteminin möhkəmləndirilməsi üçün vacibdir. Lakin gündəlik normadan artıq qəbul edildikdə bu mikroelement zərərli təsir göstərir.

▶️ 14 yaşdan yuxarı şəxslər üçün tövsiyə olunan gündəlik selen miqdarı – 55 mikroqram
▶️ Körpələr və uşaqlar üçün bu göstərici 15–40 mikroqram arasındadır.

Qeyd olunur ki, cəmi 30 qram braziliya qozunda təxminən 544 mikroqram selen var. Yəni cəmi 6 ədəd qoz bu dozanı keçmək üçün kifayətdir! Ona görə də gündə 1–2 ədəd qozdan artıq yemək məsləhət görülmür.

Doktor Kuey xəbərdarlıq edir:

👉 Gündə 400 mikroqramdan artıq selen qəbul etmək alışqanlıq halına çevrilərsə, bu, selenoz adlı təhlükəli hal yarada bilər.
Onun simptomlarına gücsüzlük, dırnaqların qırılması və ağızdan metal qoxuya bənzər xoşagəlməz qoxu daxildir.

Ulusum.az