Elmira Qədirovadan: “Səs Salan Şokolad Tortu”

Elmira Qədirova – şirniyyatın ruhunu hiss edən sənətkardır. Şəkərburanı yoğuranda tarix danışır, qoğalda nəsil yaddaşını canlandırır.



Bu sirləri qonşusundan və qaynanasından öyrənərək öz dadını, öz zövqünü yaradıb.
Ağrını ümidə çevirərək YouTube-da ləzzət dolu həyat qurub. “Az yeyin, həmişə yeyin” – deyərək, sadəcə dad yox, fəlsəfə təqdim edir.



Bugünkü “Mətbəx” rubrikasında Elmira xanımın təqdim etdiyi “Səs salan şokolad tortu” – görünüşü və dadı ilə izləyiciləri valeh edib.


Şokolad, püstə və qaymaqlı kremin harmoniyası bu tortu əsl zövq simfoniyasına çevirir.

Türklər demiş, əllərinizə sağlıq!

Ulusum.az kollektivi adından Elmira xanıma paylaşıma görə təşəkkür edir və ona, ailəsinə sağlam və uzun ömür arzulayırıq.
Elmira Qədirovanın Səs Salan Şokolad Tortunun Resepti
Tərkibi:

XƏMİR (24 sm-lik dairə üçün):
6 ədəd yumurta
210 qr. şəkər tozu (1 stəkan dolu)
140 qr. un (1 stəkan)
40 qr. qarğıdalı nişastası
30 qr. kakao
3 x.q. qaynar su
1 paket vanil
1 paket qabartma tozu

İÇLİK:
300 qr. kadayıf
100 qr. kərə yağı
300 qr. püstə əzməsi
100 qr. tahin

QANAJ:
200 ml qaymaq
300 qram şokolad
100 qram pralin

Hazırlanması:
Biskvit, içlik və qanajın hazırlanması prosesinə dair bütün detalları videodan izləyə bilərsiniz.
Püstə əzməsi, kadayıf, tahin və pralin kimi inqrediyentləri tort ləvazimatları mağazalarından asanlıqla əldə edə bilərsiniz.

Nuş olsun!
My Webpage
My Webpage

R.Daşdəmirova
Ulusum.az