Frida Kalonun "Qırmızı ev"i də muzeyə çevrildi

2025-ci il mayın 27-də Meksikanın paytaxtı Mexiko şəhərində məşhur rəssam Frida Kaloya həsr olunmuş yeni muzeyin açıldığı bildirilib. Bu barədə ART GID informasiya resursu məlumat yayıb.

Yeni muzey Koyoakan bölgəsində yerləşən "Qırmızı ev"də fəaliyyət göstərir. Bu bina vaxtilə Frida Kalonun valideynlərinə məxsus olub. Muzeyin yerləşdiyi yerin yaxınlığında isə Fridanın doğulduğu və demək olar ki, bütün ömrünü keçirdiyi "Göy ev" yerləşir. "Göy ev" artıq 1955-ci ildən muzey kimi fəaliyyət göstərir və orada Frida Kalonun və onun əri, məşhur rəssam Dieqo Riveranın əsərləri saxlanılır.

Yeni muzeyin yerləşdiyi "Qırmızı ev" Kalonun ailəsində nəsildən-nəslə ötürülüb. Hazırda evin sahibi rəssamın qardaşı nəvəsi Mara Romeo Kalo hesab olunur. Onun təşəbbüsü ilə bu evdə yeni muzey yaradılıb. Romeo Kalonun sözlərinə görə, "bu, ailəmizin çoxdankı arzusu idi".



Qeyd olunur ki, yeni muzeyin konsepsiyası məşhur amerikalı memarlar tərəfindən — Rockwell Group şirkəti tərəfindən hazırlanıb.

Ulusum.az