Çin imperatorunun məzarındakı “Əbədi lampanın” sirri

"Kulik" agentliyinin məlumatına görə, ABŞ-dan olan bir qrup alim, Çin imperatoru Qin Şi Huanqın məqbərəsindəki əfsanəvi "əbədi alov"un sirrini açmaq üçün 30 il ərzində 700-dən çox eksperiment keçirib. Bu məqbərə, Sian şəhəri yaxınlığında yerləşir və məhz bu "əbədi" işıqlar sayəsində dünya miqyasında turistləri cəlb edir.

Bənzər hadisələr müxtəlif mədəniyyətlərdə də qeyd edilib. Məsələn, eramızın 140-cı ilində Romada Pallas məzarında 2000 ildən artıq yanan bir lampa tapılıb. Çinlilər isə hesab edirlər ki, Qin Şi Huanqın məqbərəsindəki "əbədi çıraq" ikiqatlı bir qabdan ibarət olub: daxili hissə yanıcı maddə ilə, xarici hissə isə soyutma üçün su ilə doldurulmuşdu. Əfsanəyə görə, imperator yanğını saxlamaq üçün "su pərisinin" piyindən istifadə edib.

Alimlər isə müəyyən ediblər ki, "əbədi lampanın" sirri kimyəvi tərkibindədir. Lampanın fitilindəki ağ fosfor, yüksək rütubət və temperatur şəraitində öz-özünə alovlana bilər. Bu, niyə alovun belə uzun müddət ərzində yanmağa davam etdiyini izah edir.