Kişi və qadın münasibətlərində ən böyük səhv - Psixoloq

NEWS.ru-ya verdiyi müsahibəsində psixoloq Tatyana Guseva, həm kişilər, həm də qadınlar üçün əlaqələrdə ən böyük səhvlərdən birinin emosiyalar əsasında qərar vermək olduğunu bildirib, “Ulusum”.az xəbər verir.

Onun sözlərinə görə, belə anlarda insan, sonradan peşman ola biləcəyi düşünülməmiş qərar verə bilər.

"Əlaqələrdə ən böyük səhvlərdən biri emosiyalarla qərar verməkdir. Əlbəttə, emosiyalar insanın təbiətinin vacib bir hissəsidir və hər hansı bir əlaqənin ayrılmaz tərkib hissəsidir. Lakin emosiyalar hərəkətlərimizi idarə etməyə başladıqda, biz çox ciddi riskə giririk və sonradan peşman ola biləcəyimiz qərarlar veririk," – deyə Guseva izah edib.

Psixoloq qeyd edib ki, emosional təlatüm anlarında insanın düzgün və ölçülmüş qərar verməsi çətindir. Bunun səbəbi, instinktiv reaksiyalar üçün cavabdeh olan limbi sistemin aktivləşməsi və eyni zamanda beynin prefrontal korteksinin fəaliyyəti azaldığı üçün vəziyyəti məntiqi olaraq analiz etməyin çətinləşməsidir.

"Birincisi, limbik sistem — beynin instinktlərə cavabdeh olan hissəsi aktivləşir və bu, reaksiyanın ilkin və instinktiv olmasına, düşünülməmiş olmasına gətirib çıxarır. İkincisi, prefrontal korteksin fəaliyyəti azalır ki, bu da insanın vəziyyəti məntiqi olaraq analiz etmə qabiliyyətini çətinləşdirir. Üçüncüsü, adrenalin və kortizol kimi hormonların səviyyəsi əhəmiyyətli dərəcədə artır. Bu hormonlar bədəni mübarizə və ya qaçış üçün hazırlayır ki, bu da çox impulsiv hərəkətlərə səbəb ola bilər," – deyə Guseva izah edib.

Bundan əlavə, onun sözlərinə görə, emosional stress anlarında insanın diqqəti daralır və baş verənləri yanlış qavrayır. Bütün bunlar isə, psixoloqun sözlərinə görə, rasional qərar verməyi demək olar ki, mümkünsüz edir.