İnsanın səmimi olmadığını göstərən əlamətlər

Həyatımızda müxtəlif səbəblərdən bizə xoş münasibət bəsləməyən insanlar olur. Bu tamamilə təbiidir və əgər həmin şəxs bizim üçün o qədər də əhəmiyyətli deyilsə, buna görə narahat olmarıq. Bununla belə, istər-istəməz elə insanlar da var ki, onların səmimiyyətinə aldanmaq istəməzdik. Bir insanın sizə olan münasibətini anlamaq üçün psixoloq aşağıdakı doqquz "qırmızı bayrağa" diqqət yetirməyi tövsiyə edir.

Süni gülüş və zorla xoş davranış: Əgər bir insanın hər zaman zorla mehriban davrandığını və həqiqi emosiyalarını gizlətməyə çalışdığını hiss edirsinizsə, bu, səmimiyyətin əskik olduğuna işarə ola bilər.

Daim tənqid və neqativ münasibət: Konstruktiv tənqid faydalıdır, lakin əgər biri sizi hər zaman aşağılayır və heç vaxt müsbət məqamları görmürsə, bu münasibətində problem olduğunu göstərə bilər.

Göz təmasını qaçırmaq: Göz təması insanın səmimiyyətinin göstəricisidir. Əgər kimsə sizinlə danışarkən daim baxışlarını qaçırırsa, bu, narahatlıq və ya dürüst olmamaq əlaməti ola bilər.

Söhbətə marağın olmaması: Qarşı tərəf yalnız formal cavablar verirsə və sizinlə söhbətdən qaçmağa çalışırsa, bu da münasibətin sağlam olmadığını göstərə bilər.

Yalnız öz maraqlarına fokuslanmaq: Əgər insan sizin hisslərinizi və fikirlərinizi daim görməzdən gəlib yalnız öz maraqlarını ön planda tutursa, bu, diqqət yetirilməli bir siqnaldır.

Sözlər ilə əməllərin uyğunsuzluğu: Söz verdiyi şeyləri etməyən insanlar etibarsız ola bilər. Bu, münasibətlərin ciddi bir "qırmızı bayrağıdır".

Passiv-aqressiv davranış: Birbaşa demək əvəzinə, qısqanclıq və ya kinayə ilə fikirlərini ifadə edən insanlar diqqətli yanaşma tələb edir.

Məxfilik və etibar problemi: Əgər bir şəxs sizinlə paylaşım etməkdən və açıq olmaqdan qaçırsa, bu da münasibətlərdə etibar problemi yarada bilər.

Dəstəyin əskikliyi: Həyatda çətin anlar hər zaman olur və bu zaman həqiqi dost və yaxınlar dəstək göstərir. Əgər bir insan bu anlarda yanınızda deyilsə, münasibətlərinizi yenidən dəyərləndirmək yerində olar.

Diqqətli olmaq və sağlam münasibətlər qurmaq üçün bu siqnallara diqqət yetirmək faydalıdır.



Səidə