Hindistanda "Miss Dünya" yarışması üçün meymunlar kütləvi şəkildə tutulur

Hindistanın Telanqana ştatında "Miss Dünya" gözəllik müsabiqəsinin iştirakçıları üçün təhlükəsizlik məqsədilə meymunlar kütləvi şəkildə tutulur. Bu barədə Deccan Chronicle məlumat yayıb.

Məlumatda bildirilir ki, 14 may tarixində müsabiqənin iştirakçıları Rāmappa məbədini ziyarət edəcəklər. Bu məbəd yalnız UNESCO-nun Dünya Mirası siyahısına daxil olması ilə deyil, həm də ziyarətçilərə qarşı agressiv meymunların hücumları ilə məşhurdur.

İştirakçıların ziyarət əsnasında təhlükəsizliyini təmin etmək məqsədilə yerli rəsmilər "Meymunlar Əməliyyatı" adlandırılan bir əməliyyat təşkil edərək, 150-dən çox meymunu tutublar. Onlar daha sonra Eturunagaram qorunmuş meşəsinin dərinliklərinə buraxılıblar.

Ərazidə yaşayan sakinlər, meymunların aqressiv davranışlarından əziyyət çəkdikləri üçün, bu təşəbbüsü müsbət qarşılayıblar.

✍️"Ulusum".az