Titanik haqqında həqiqətlər illər sonra ortaya çıxdı

Titanikin tam miqyaslı rəqəmsal skanından sonra məlum olub ki, gəminin batmasına səbəb olan amillərdən biri onun gövdəsində A4 kağızı ölçüsündə dəliklərin olmasıdır. Tədqiqat zamanı həmçinin aysberqin parçalarının gəminin bəzi sərnişin salonlarına daxil olduğu müəyyən edilib.

BBC-nin məlumatına görə, Titanikin ilk tam miqyaslı 3D skanında əldə edilən üçölçülü rəqəmsal görüntülər, gəminin batmasından əvvəlki hadisələrə dair yeni təfərrüatları ortaya çıxarıb. Aysberqə çırpıldıqdan sonra ikiyə bölünən gəminin 3D görüntüləri, ilk dəfə olaraq 3800 metr dərinlikdəki gəmi qalıqlarını tam şəkildə təqdim edib.

Bu görüntülər, Titanikin batmasına səbəb olan faktorlardan birinin gövdəsindəki bir neçə A4 kağızı ölçüsündə olan dəliklər olduğunu göstərir. Həmçinin, toqquşma zamanı aysberqin parçaları bəzi sərnişin kabinələrinə daxil olub.

Titanik üzrə ekspert Parks Stephenson, yeni tapıntıları şərh edərək dedi: "Titanik bu faciənin son canlı şahididir və onun hələ də danışacaq çox hekayələri var."