Lahıc - Dəmirçi yolunda DƏRİN ÇATLAR ƏMƏLƏ GƏLDİ - VİDEO EKSKLÜZİV

Son yağıntılardan sonra Lahıc - Dəmirçi avtomobil yolundakı sürüşmə zonalarında aktivlik müşahidə olunmağa başlayıb.

Ulusum.az xəbər verir ki, yolun 7-8-ci km-də müxtəlif yerlərdə iri çatlar əmələ gəlib. Yağıntıların təsirindən 40 metr  asfalt qatı sıradan çıxıb. Yolun bir hissəsi tamamilə dağılıb. Avtomobillər yolun digər hisəsi ilə hərəkət edirlər. Sürücülər isə bunun daha da təhlükəli ola biləcəyindən narahatdırlar. Buradakı yol yatağının eroziyaya uğraması istənilən vaxt sürüşmənin baş verməsinə şərait yaradır. Sürücülər deyir ki, belə getsə bu yol bağlana bilər. Belə olduğu təqdirdə onlar Lahıcdan  - Dəmirçiyə 3-4 saata getməli olacaqlar. Bu da böyük vaxt ikisidir. Zamanında bu yolun təmirinə başlansa bu hal Lahıc - Dəmirçi qəsəbəsinə gələn turislərin sayına da təsir etməz.
Kənd sakinləri isə deyirlər ki, bu ərazi sürüşmə zonasında olduğuna görə yol sürüşməyə meyllidir. Ona görə də, burada tez-tez çökmələr baş verir.

Azərbaycan Avtomobil Yolları Dövlət Agentliyinin xüsusi təyinatlı yol istismar MMC-dən Ulusum-a verilən məlumata görə, son yağıntılardan sonra Lahıc - Dəmirçi avtomobil yolundakı sürüşmə zonalarında aktivlik müşahidə olunmağa başlayıb. Lahıc - Dəmirçi yolunda dərin çatlar əmələ gəlib. Məsələ ilə əlaqədar əraziyə baxış keçirilib. Yolun dağılmış hissələrində işlərin aparılmasına yaxın günlərdə  başlanılacaq.

Eltun Məmmədov