Tanınmış jurnalistlə vida: Gülbəniz Arif qızı dünyasını dəyişdi

Tanınmış jurnalist Gülbəniz Arifqızı bu dünyaya vida etdi – mətbuat camiəsi ağır itki yaşadı.

Azərbaycan jurnalistikasının öncüllərindən olan, cəbhə xəbərlərini qorxmadan xalqına çatdıran Gülbəniz Arifqızı uzun sürən xəstəlikdən sonra 2025-ci ilin iyul ayında dünyasını dəyişdi. Onun itkisi təkcə media yox, bütöv cəmiyyətimiz üçün böyük boşluqdur...

Gülbəniz xanım Birinci Qarabağ müharibəsi zamanı cəbhə bölgələrindən hazırladığı reportajlarla tanınıb. Onun cəsarəti və obyektivliyi onu təkcə jurnalist yox, həm də vətənpərvər bir sima kimi yaddaşlara yazdı.

2006 və 2008-ci illərdə əsirlik və müharibə mövzularında yazdığı kitablar bir çox insanların gözünü açdı, yaddaşlara sarsıdıcı həqiqətləri həkk etdi. Onun qələmi həm savaşın izlərini, həm də insan talelərini tarixə çevirdi.

ABŞ-da yaşadığı illərdə də Gülbəniz Arifqızı Azərbaycan diasporu arasında fəal olmuş, xüsusilə qadınların dəstəyi üçün müxtəlif təşəbbüslərlə çıxış etmişdi. Onun həyatının hər dönəmi cəmiyyət üçün bir xidmətdir.

Ulusum.az