Fransada toyun sonu faciə ilə bitdi – naməlum şəxslər gəlinə atəş açıb öldürdü

İyunun 22-nə keçən gecə Fransanın kiçik Qul kəndində toy mərasimi qanlı dramla nəticələnib.
"Le Monde"un məlumatına görə, maskalı silahlı şəxslər toy şənliyindən çıxan yeni evlənmiş cütlüyə hücum ediblər.

Hadisə səhər saatlarında baş verib. Bildirilir ki, gəlin dostlarını yola salarkən naməlum şəxslərin hücumuna məruz qalıb. Silahlılar məqsədli şəkildə yeni evlənənlərə atəş açıblar. Güllə gəlinə dəyərək onu yerindəcə öldürüb. Hadisəni törədənlər daha sonra naməlum istiqamətə qaçıblar.

Fransa polisi təxminən 100 nəfərlik heyətlə genişmiqyaslı əməliyyata başlayıb. Hadisənin iki əsas versiyası araşdırılır:

Cinayətkar qruplaşmalar arasında hesablaşma

Məqsədli olaraq konkret şəxslərə qarşı törədilmiş hücum


Ulusum.az