Dəriniz quruyur? Bu vitamin çatışmır...

Quru dəri həmişə qabıqlı bir görünüşlə özünü göstərmir. Dərinin quruması nəticəsində ümumi qızartı, üzdə sıxılma hissi və hətta həddindən artıq yağlanma görünə bilər.

Ulusum.az xəbər verir ki, dəri ehtiyac duyduğu nəmi tapa bilmədikdə, lazım olduğundan daha çox yağ çıxarmağa başlaya bilər və bu, əksinə görünsə də, dəri quruluğu səbəbindən artıq yağ kimi görünə bilər.

Hər halda quru dəri qıcıqlandırır. Hər kəsin dəri quruluşu fərqli olduğundan dərini - xüsusilə də üzü nəmləndirmək üçün düzgün məhsulu və ya uyğun metodu tapmaq həmişə asan olmur. Vitamin səviyyənizi yoxlamaq istəyə bilərsiniz, xüsusən də bir çox üsulları sınamısınızsa və hələ də quru dəri ilə məşğul olmaqda çətinlik çəkirsinizsə. Çünki D vitamini əskikliyi də dəridə nəm probleminin əhəmiyyətli səbəbi ola bilər.

Vitamin D və onun dəri sağlamlığı ilə əlaqəsi
D vitamini immunitet sistemi, sümük sağlamlığı, əzələ funksiyaları və daha çox şey üçün vacib mikroelementlərdən biridir. Nutrients Magazine-də dərc olunan bir araşdırmaya görə, D vitamini çatışmazlığı dəridə aşağı nəmlik ilə əlaqələndirilir. Xüsusilə, serum D3 səviyyələri dərimizin üst qatındakı nəm səviyyələrinə birbaşa təsir göstərir.

Vitamin D bədəndə antiinflamatuar və antioksidan xüsusiyyətlər göstərərək dəri hüceyrələrini qorumağa kömək edir. Tiroid hormonlarını tənzimləməyə kömək edərək tiroid sağlamlığında da mühüm rol oynayır. Qalxanabənzər vəzi hormonları bədəndəki bir çox metabolik funksiya ilə yanaşı saçın, dərinin və dırnaqların sağlam və güclü olmasını da təmin edir.

Mütəxəssislər həyəcan təbili çalır

Dermatoloq və saç baxımı mütəxəssisi Dr. Raechele Cochran Gathers deyir: "Biz bilirik ki, D vitamini saç follikulları və buna görə də saç böyüməsi üçün çox vacibdir". deyir və izah edir: “Əslində, D vitamini saç köklərinin əmələ gəlməsi və saxlanması üçün lazım olan yağda həll olunan vitaminlərdən biridir”.

Aymirə Ağamirova