Hiperaktiv uşaqlarla necə davranmalıyıq?

“Hiperaktiv uşaq çətinliklə oturan, istirahət etmədən çoxlu hərəkət edən, yerində fırlanan, bəzən çox dilli dilavər, öz davranış şəkili ilə başqalarını qıcıqlandıra bilən tipdir. Onun tez tez pis koordinasiyası və yetərsiz əzələ kontrolu olur. O yöndəmsizlik edir və hərşeyi pozur. Belə uşaqlar diqqətini cəmləyə bilmir, asanlıqla bir şeyə aludə olur, tez-tez cavab məqsədli suallar verir, lakin nadir hallarda cavab gözləyir".

Məşhur amerikalı psixoloq V. Oklander hiperaktiv uşaqları belə xarakterizə edir.
“Hiper” çətin sözlərin tərkib hissəsi olub "yüksək" mənasını verir. "Aktiv" sözü isə rus dilinə latın dilindən gəlib və mənası "güclü, enerjili" deməkdir.

İstər müəllimlər üçün, istər valideynlər üçün bu uşaqlarla münasibət qurmaq asan deyil.

Ulusum.az mütəxəssislərin apardığı araşdırmaların nəticəsi olaraq Hiperaktiv uşaqlarla ünsiyyət qurmaq və effektiv ünsiyyət qurmağın üsullarını təqdim edir:

1. Təmkinli və səbrli olun. Hiperaktiv uşaqla ünsiyyətdə olarkən təmkinli və səbrli olmaq vacibdir. Vaxtınızı ayırın və uşağınızın ehtiyaclarına fikir verin.
2. Ünsiyyətiniz aydın olmalıdır. Sadə göstərişlər vermək uşağınıza arzu olunan hərəkətləri daha yaxşı başa düşməyə kömək edəcək.

3. Müsbət qiymətləndirin. Uşağınız arzu olunan hərəkətləri təzahür etdirdikdə, onu müsbət mənada qiymətləndirin.

4. Dinləyin ve anlayış Göstərin: Uşağın duyğu ve düşüncələrini dinləyin ve onu anladığınızı hiss etdirin. Onun həssas ehtiyaclarına diqqət edin. özünü güvəndə hiss etdirməyə çalışın.

5. Mülayim davranın. Uşağınızın hisslərini anlamağa çalışın və hər hansı məsələyə uşaq nöqteyi-nəzərindən yanaşın. Xoş davranış onunla daha möhkəm dostluq münasibətləri qurmağa kömək edəcək.

7. Fiziki baxımdan enerjisini çıxarmasını təmin edin. Hiperaktiv uşaqlar üçün fiziki hərəkətlər və xüsusi vasitələrdən istifadə etmək onların enerjilərini sərf etməsinə kömək edə bilər. Tez-tez fasilə vermək və onların hərəkət etməsinə icazə vermək vacibdir.

8. Dəstəkləyici mühit yaradın. Hiperaktiv uşaqlar üçün dəstəkləyici və konstruktiv mühit təmin etmək vacibdir. Bu cür mühitdə uşağınız daha yaxşı uğur əldə edə bilər.

Bu strategiyalar hiperaktiv uşaqlarla daha effektiv ünsiyyət qurmağa və onların davranışını idarə etməkdə sizə kömək edə bilər. Amma unutmayın ki, hər bir uşağa fgərdi yanaşılmalıdır.

Onlarla ünsiyyət qurmaq və xoş zaman keçirmək üçün həmin uşağın istəklərini nəzərə almalısınız.

Aymirə Ağamirova