İş qadınlarının qorxulu "kabusu" - FOTO

Ofisdə çalışan qadınlarda daha çox rast gəlinir

Ulusum.az xəbər verir ki, qadınlarda qığırdaq xəstəlikləri kişilərə nisbətən daha çox rast gəlinir. Xüsusilə iş yeri ofis mühiti olan zərif cinsin nümayəndələri adətən boyun, bel və ayaq ağrılarından əziyyət çəkirlər. Bu ağrıların meydana gəlməsinə səbəb olan ən mühüm amillərdən biri stressdir və bu faktor mövcud ağrıları 4-5 dəfə artırır.
Ulusum.az bunun qarşısının alınması üçün bir neçə vacib nüansı təqdim edir:

Düz dabanlı ayaqqabılardan çəkinin

Düz dabanlı ayaqqabılar mövcud qığırdaq problemlərini daha da artırır. Nazik altlıqlı ayaqqabılar hazırda qadınların üstünlük verdiyi çeşiddir. Lakin mütəxəssislərin son araşdırmalarından məlum olur ki, bu, qığırdaq problemlərini sürətləndirən bir faktordur. Bu ayaqqabılar ayağı dəstəkləyə bilmir və ciddi ayaq problemlərinə yol açır. Sağlam ayaqlar üçün seçiləcək ayaqqabının ideal hündürlüyü 2,5 santimetr olmalıdır.

40 yaşdan sonra idman edərkən diqqətli olun!

40 yaşdan sonra velosiped, tennis, avarçəkmə kimi dizin əyilməsinə və açılmasına səbəb olan idman növlərinə üstünlük verməklə diz qığırdaqlarına zərər yetirə bilərsiniz. Çünki ani yüklənmə nəticəsində ağrı hiss oluna və şişkinlik yarana bilər. Heç vaxt idmanla məşğul olmayan biri 40 yaşında idmanla məşğul olmağa qərar verirsə, ilk növbədə, aşağı templi gəzintilərlə başlamalıdır.

Qığırdaq sağlamlığı üçün nələrə diqqət edilməlidir?

Diz yastıqlarından istifadə; Dizin ön və arxasındakı əzələlərini hərəkət etdirin. Beləliklə, dizdəki yük əzələlər tərəfindən götürüldüyü üçün dizlər güclənir və rahatlaşır.

Dizlər üçün ən faydalı məşq; Düz ayaq qaldırma texnikasıdır. Diz, topuq və ombanı eyni səviyyədə saxlayın; Dabanın dabandan təxminən 45 dərəcə yuxarıda olmasını təmin etmək lazımdır. 10-a qədər saydıqdan sonra ayaqlar aşağı salınmalı və bir neçə saniyədən sonra eyni hərəkət təkrarlanmalıdır.

Dizin altına yastıq qoyun və onu dizinizlə əzməyə çalışın. Dizin altına qoyulan yastığa nə qədər güclü bassanız, üst əzələlər bir o qədər sıxılır. Bu faydalı hərəkət qığırdaq quruluşunu qorumağa da kömək edir.

Mütləq üzmək və müntəzəm olaraq qısa gəzintilər etmək lazımdır.

40 yaşından sonra spirt istifadəsi səbəbindən sümük iliyi ödemi inkişaf edə bilər və bu problem qığırdaq quruluşunu zədələyə bilər. Odur ki, spirtli içki qəbulunda diqqətli olmaq lazımdır.

Kortizon və diabet qığırdaqlara zərər verə bilər. Buna görə mütəmadi olaraq tibbi müayinədən keçmək lazımdır.

Alimlər hesab edir ki, idmanla məşğul olan şəxslər prafilaktik olaraq ortoped və ya travmatoloq müayinəsindən keçməlidir.

Aymirə Ağamirova