Bu gün, 11:57 3 Ədəbi sənət

Yaddaşlarda əfsanələşmiş sənətkar - Ağasadıq Gəraybəyli

Yaddaşlarda əfsanələşmiş sənətkar - Ağasadıq Gəraybəyli
Bu gün Xalq artisti Ağasadıq Gəraybəylinin doğum günüdür.

Ağasadıq Ağaəli oğlu Gəraybəyli 15 mart 1897-ci ildə Şamaxıda bəy ailəsində doğulub. Atasını erkən itirib. Şamaxı zəlzələsindən sonra ailə Bakıya köçüb.

Əlisəttar adlı bir kişi onun kimsəsiz olduğunu bilib, öz himayəsinə götürüb. Orta məktəb illərində Cəfər Cabbarlı ilə bir sinifdə oxuyub.

72 illik yaradıcılıq ömründə 200-dən artıq obraz canlandıran Ağasadıq Gəraybəyli Nəriman Nərimanovun "Nadir şah", Üzeyir Hacıbəyovun "Arşın mal alan", Cəfər Cabbarlının "Sevil", "Od gəlini", "1905-ci ildə", sonralar "Vaqif", "Həyat", "On ikinci gecə", "Xanlar" və s. tamaşalarda rol alıb.

Ağasadıq Gəraybəylini ilk dəfə filmə Cəfər Cabbarlı dəvət edib. İlk səssiz filmlərimizdən biri olan "Sevil"də ona "Balaş" rolunu təklif edib.

"Bəxtiyar" filmindəki klub müdiri "Ağabala", "O olmasın, bu olsun" filmində "Rüstəm bəy" obrazı aktyora böyük məşhurluq gətirib.

Aktyorun sonuncu rolu "Xurşidbanu Natəvan" tamaşasında yaşlı knyaz obrazı olub.

1933-cü ildən ömrünün son gününə qədər Azərbaycan Dövlət Akademik Dram Teatrında çalışıb. Şəhərin mərkəzində, Xaqani küçəsi 19-da yaşayıb. Burada Bülbüllə, Xalq yazıçısı Mirzə İbrahimovla, Xalq şairi Süleyman Rüstəmlə qonşu olub.

1988-ci il dekabrın 5-də Bakı şəhərində vəfat edib.

2017-ci ildə Azərbaycan Dövlət Akademik Milli Dram Teatrında Ağasadıq Gəraybəylinin 120 illik yubileyi qeyd olunub. Yubileydə aktyorun obrazını Rafiq Əzimov canlandırıb.

Yaddaşlarda əfsanələşmiş sənətkar - Ağasadıq Gəraybəyli


Şərhlər:
Rewad Geraybeyli
3 saat əvvəl

Beli, Senetkar ! Esrler kecse bele Azerbaycan medeniyyetinde adini yawatdiran senetkar !

Solmaz
3 saat əvvəl

Bextiyar filmindeki rolu meni mennen alirda 😃😃Allah rehmet elesin amin

Sefer
3 saat əvvəl

Allah rehmet elesin . 

Adınız:
E-Mail:
Bu kod:
yenilə, əgər kod görünmürsə
Bura daxil edin: