Trampı Ukraynadan çox narahat edən mövzu

ABŞ prezidenti Donald Trampı Ukraynadan daha çox Rusiya ilə Çin arasındakı əlaqələr narahat edir.

“Ulusum”.az xəbər verir ki, bunu siyasətşünas və amerikalı ekspert Malek Dudakov bildirib. NEWS.ru ilə söhbətində o, amerikalı tərəfin danışıqlar çərçivəsində bu mövzunu müzakirə edə biləcəyini vurğulayıb.

Dudakov qeyd edib ki, ABŞ tərəfi gələcək Ukrayna üzrə danışıqlar zamanı Rusiya ilə Çin, Şimali Koreya və İran arasındakı əməkdaşlıq məsələsini qaldıra bilər, çünki Tramp administrasiyası üçün Ukrayna məsələsi prioritet deyil.

Siyasətşünasa görə, Tramp üçün Çinlə rəqabət və İranla qarşıdurma daha vacibdir. O, əlavə edib ki, bu məsələlərdə amerikalı lider Rusiyanın İran və Çinlə əlaqələrini zədələməyə çalışa bilər.

"Tramp üçün əlbəttə ki, ən vacib məsələlərdən biri Çinlə rəqabət, ikincisi isə İranla qarşıdurmadır. Buna görə də o, burada Rusiyanın İranla və Çinlə olan əlaqələrinə həsəd apararaq onları zədələməyə çalışacaq," — deyə siyasətşünas yekunlaşdırıb.

Səidə