Porsche iş yerini azaldacağını açıqlayıb

Almaniyanın lüks avtomobil istehsalçısı Porsche AG 2029-cu ilin sonuna qədər işçi qüvvəsini 1900 nəfər azaltmağı planlaşdırdığını açıqlayıb.

“Ulusum”.az-ın məlumatina görə, tədbirlər elektromobillərə tələbatın azalması ilə əlaqədar, eləcə də çətin geosiyasi və iqtisadi vəziyyət şəraitində həyata keçirilib.

Porsche AG təxminən 1900 işçini ixtisar edir. Nəşr bildirir ki, bu, Zuffenhausen və Weissach bələdiyyəsindəki yerlərə aiddir.

İxtisarlar Ştutqartdakı iki Alman zavodunda və Weissach (Baden-Vürtemberq) icmasında baş verəcək, işçilərə kompensasiya paketləri təklif ediləcək və erkən təqaüdə çıxmağa təşviq ediləcək. Bundan əlavə, Porsche yeni kadrların işə götürülməsini məhdudlaşdırmağı planlaşdırır.

Bu tədbirlərin nəticəsi 2029-cu ilə qədər Zuffenhausen və Weissach saytlarında işçilərin sayının 15% azaldılması olacaq. Şirkət onu da vurğulayır ki, Almaniyada bütün işçilər üçün məşğulluq təminatı haqqında saziş 2030-cu ilə qədər qüvvədə olacaq, yəni bu müddət ərzində ixtisar yalnız könüllülük əsasında baş verə bilər.

Səidə