“Heç kim Kiyevin məğlubiyyətini etiraf etməyə cəsarət etmir” - Baş nazirdən sərt açıqlama

Macarıstanın Baş naziri Viktor Orban Rusiyayla münaqişədə Ukraynanın məğlub olduğunu və Avropanın da bu məğlubiyyəti bölüşdüyünü bildirib. Bu fikirləri o, Kossuth radiosunun efirində səsləndirib.



Onun sözlərinə görə, bu gün heç kimin Kiyevin məğlubiyyətini açıq şəkildə etiraf etməyə cəsarəti çatmır.

Orban daha əvvəl də qeyd etmişdi ki, Avropa Ukraynanın əli ilə Rusiyaya qarşı müharibə aparır. O bildirib ki, Macarıstan bu siyasətlə razı deyil və tezliklə atəşkəsin əldə olunmasının tərəfdarıdır.

Orbanın fikrincə, Brüssel üçün Ukraynanın Aİ-yə üzvlüyü həyati əhəmiyyət daşıyır – bu, həm siyasi imic itkilərinin qarşısını almaq, həm də məğlub müharibə fonunda biznes maraqlarını qorumaq üçün vacibdir.

Ulusum.az