“Qızıl Beşikdə Doğulanlar” – Rusiyanın Milyarderlər Siyahısı

orbes jurnalı Rusiyanın milyarderlər dünyasında növbəti nəsil varislərin siyahısını açıqlayıb. Siyahı, valideynlərin sərvətləri övladlar arasında bölündüyü halda, kimin nə qədər miras alacağını göstərir. İlk beşlikdə Alekperov, Mixelson, Lisin, Melnichenko və Timçenko ailələrinin övladları qərarlaşıb.

LUKOIL-un qurucusu Vagit Alekperovun oğlu Yusuf Alekperov liderdir – 28,7 milyard dollar irs gözlənilir. Bu, şirkətin 28,3%-lik payına uyğun gəlir.

Viktoriya Mixelson, “Novatek” və “Sibur”un səhmdarının qızı kimi 14,2 milyard dollarla ikinci sırada yer alır.

Dmitri, Yuri və Anastasiya Lisin (NLMK və “Birinci Liman Şirkəti” varisləri) hər biri 8,83 milyard dollar miras alaraq üçüncü pilləni paylaşırlar.

“EuroChem” və SUEK imperiyasının varisləri olan Tara və Adrian Melnichenko 8,7 milyard dollar sərvətlə dördüncü sıradadır.

Natalya Brauning, Kseniya Frank və İvan Timçenko isə 7,73 milyard dollar aktivlərlə beşinci yeri tutur.

2025-ci ildə Rusiya üzrə Forbes siyahısına 146 milyarder daxil olub – bunlardan 15-i ilk dəfə siyahıya düşüb. Yeni gələnlər arasında ən varlı şəxs isə “Pharmasyntez” şirkətinin sahibi Vikram Puniya olub.

Bu il rusiyalı milyarderlərin ümumi sərvəti 625,5 milyard dollara çataraq 2021-ci ilin rekordunu geridə qoyub.

Ulusum.az