Trampdan Ukrayna ilə bağlı mesaj: Qərar verməyin vaxtıdır

ABŞ prezidenti Donald Tramp bildirib ki, Ukrayna münaqişəsinin tam nizamlanması üçün "artıq qərarlar qəbul etməyin zamanı çatıb". Bu barədə RIA Novosti məlumat yayıb.

7 may tarixində Rusiya prezidentinin köməkçisi Yuri Uşakov qeyd edib ki, Rusiya-Amerika danışıqları əvvəlki tempdə davam edir.

Bu fonda ABŞ-ın vitse-prezidenti Cey Di Vens bildirib ki, ABŞ Rusiya tərəfinin danışıqlarda çox şey istədiyini düşünür, lakin eyni zamanda Kreml tərəfinin də böhranın həllində maraqlı olduğunu qeyd edib.

Vensin sözlərinə görə, o, Ukraynadakı münaqişənin nizamlanması məsələsində pessimist deyil. O əlavə edib ki, ABŞ daha çox uzunmüddətli həll yolları axtarmağa çalışır və atəşkəs ideyasından uzaq durmağa çalışır, çünki bu, Rusiyanın xoşuna gəlmir.

✍️"Ulusum".az