Bir dünya pandemiyası, bir sirrli laboratoriya: İnsanlıq aldadıldı?

“Ulusum”.az-ın məlumatina görə, Ağ Ev COVID.gov saytında pandemiyanın mənşəyi ilə bağlı yenilənmiş məlumat yayıb. Sənəddə qeyd olunur ki, COVID-19 pandemiyası Çində yerləşən laboratoriyadan sızma nəticəsində yaranıb.

Yayımlanan məlumatda virusun təbiətdə rast gəlinməyən bioloji xüsusiyyətlərə malik olduğu vurğulanır. Bildirilir ki, bütün COVID-19 hallarının yalnız bir dəfə insan orqanizminə keçməklə yayıldığı müəyyən edilib ki, bu da əvvəlki pandemiyalar zamanı baş verən çoxsaylı keçid hadisələrinə ziddir.

Qeyd edilir ki, Uhan şəhərində atipik pnevmoniya üzrə ixtisaslaşmış aparıcı Çin laboratoriyası yerləşir və burada biotəhlükəsizlik qaydalarına əməl edilmədən genetik dəyişiklik və funksiyaların gücləndirilməsi üzrə təcrübələr aparılıb. Bildirilir ki, Uhan Virusologiya İnstitutunun bir neçə əməkdaşı 2019-cu ilin payızında – pandemiyanın rəsmi başlanmasından bir neçə ay əvvəl – COVID-ə bənzər simptomlarla xəstələniblər.

Yekun olaraq vurğulanır ki, əgər virusun təbii mənşəli olduğuna dair elmi sübutlar olsaydı, indiyə qədər üzə çıxardı. Amma bu baş verməyib.