İsrail və İran arasında hərbi əməliyyatlar başlaya bilərmi? Ekspertlərdən xəbərdarlıq

Politoloq Zaur Məmmədov bildirib ki, ABŞ və İran arasında danışıqların nəticəsiz qalması və İsrailin bölgədə yaranmış fürsətdən istifadə etmək niyyəti Yaxın Şərqdə müharibə riskini artırır. Məmmədovun sözlərinə görə, bu münaqişənin bir neçə ssenarisi var və hər biri ciddi nəticələrə səbəb ola bilər.

1. Cərrahi hava zərbələri: İsrail, İranın Natanz, Fordow, Arak və Esfahan kimi nüvə obyektlərinə hava zərbələri endirə bilər. Bu, sürətli və məhdud bir əməliyyatla nüvə infrastrukturuna ziyan vurmaq məqsədi daşıyır. Lakin bu halda İranın cavab olaraq İsrailə raket və dron hücumları həyata keçirməsi və regional müharibə ehtimalının artması mümkündür.

2. Regional münaqişə: İranın proksi qüvvələri olan Hizbullah, HƏMAS və husilər vasitəsilə İsrailə qarşı hücumlar təşkil etməsi, İsrailin isə bu hücumlara cavab olaraq genişmiqyaslı hərbi əməliyyatlar həyata keçirməsi bölgədə münaqişənin genişlənməsinə səbəb ola bilər.

3. Diplomatik səylərin nəticəsiz qalması: ABŞ və İran arasında nüvə danışıqlarının dayanması və İranın Rusiyaya hərbi yardımı, Qərb blokuna qarşı Kremlin yanında yer alması vəziyyəti daha da gərginləşdirir. Bu, bölgədə hərbi əməliyyatların başlanmasına zəmin yaradır.
Bu ssenarilərdən hər biri bölgədə ciddi təhlükələr yaradır və beynəlxalq ictimaiyyətin diqqətini tələb edir.

Ulusum.az