Yaponiyada güclü qasırğa nəticəsində 3 nəfər ölüb

Yaponiyanın cənub-qərbində güclü "Şan-Şan" qasırğasının fəsadları nəticəsində 3 nəfər ölüb, 70-dən çox insan yaralanıb.

Kyushu Electric enerji şirkəti Kyushu adasındakı yeddi prefekturada 255 minə yaxın ev təsərrüfatının işıqsız qaldığını bildirib.

Poçt və kuryer xidmətləri dayandırılıb, supermarketlər və digər mağazalar bağlanıb.

Sinoptiklərin məlumatına görə, küləyin sürəti saniyədə 50-70 metrə çatır.

Səlahiyyətlilər fırtınanın Yaponiyanın cənub-qərbini vurmuş ən güclü fırtınalardan biri ola biləcəyi barədə xəbərdarlıq edib.

Eltun Məmmədov