Almaniyada polisə hücum edən iranlı öldürülüb - VİDEO

Almaniyanın Bavariya əyalətinin Mittelfranken bölgəsində polis qüvvələrinə bıçaqla hücum edən iranlı şəxs polislər tərəfindən güllələnib.

Almaniya mediasının məlumatına görə, hücum iyunun 30-da Mittelfrankendə yerləşən dəmiryolu vağzalı yaxınlığında baş verib. Öldürülən iranlı öncə qatar stansiyasında patrul xidmətinə məxsus avtomobilə hücum edib, daha sonra bıçaqla polis əməkdaşlarına xəsarət yetirməyə çalışıb.

Bildirilib ki, hücum edən şəxsə ilkin tibbi yardım göstərilsə də, onun həyatını xilas etmək mümkün olmayıb.

Qeyd olunub ki, əsas motivi hələlik bəlli olmayan bu hücumda heç bir polis zərər görməyib. İranlının isə kimliyi haqqında açıqlama verilməyib.

Eltun Məmmədov