Azərbaycanlı tələbə $100.000 QAZANDI - EKSKLÜZİV

BANM tələbəsi ABŞ universitetindən 100.000 DOLLAR təqaüd qazandı!

Ulusum.az xəbər verir ki, Bakı Ali Neft Məktəbinin İnformasiya təhlükəsizliyi ixtisasının V kurs tələbəsi Eşqin Həsənov ABŞ-nin Mərkəzi Florida Universitetinin birbaşa doktorantura səviyyəsinə qəbul olub.

Eşqin Həsənov Universitetin xüsusi nailiyyəti olan tələbələr üçün nəzərdə tutulan “ORCGS doctoral fellowship” proqramına seçilərək ildə 100.000 dollar təqaüd qazanıb.

Qeyd edək ki, soydaşımız Tovuz rayonu Dondar Quşçu kəndində anadan olub.

2019-cu ildə kənd tam orta məktəbini bitirib BANM-ə 675 balla daxil olub və Prezident təqaüdünə layiq görülüb.

Təhsil aldığı müddətdə akademik göstəriciləri yüksək olub, həmçinin müxtəlif elmi məqalələr hazırlayıb.
Aymirə Ağamirova